Bounce rate istifadəçilərin saytınıza daxil olub heç bir klik etmədən və ya əlavə səhifəyə keçid etmədən saytı tərk etmə faizidir. Əgər bounce rate yüksəkdirsə, bu, saytınızda istifadəçi təcrübəsi ilə bağlı problemlər ola biləcəyinə işarə edir. Saytınıza girən hər bir istifadəçi bir sessiya başlayır. Əgər istifadəçi yalnız açılış səhifəsinə baxıb başqa heç bir səhifəyə keçmədən və ya heç bir düyməyə klikləmədən saytı tərk edirsə, buna “bir səhifəlik sessiya” deyilir. Bu cür davranış bounce rate göstəricisini artırır. Qısacası, bounce rate o istifadəçilərin faizini göstərir ki, onlar saytda heç bir fəaliyyət göstərmədən çıxıblar. Bu məlumatı Google Analytics vasitəsilə izləmək mümkündür və bu da saytda təkmilləşdirilməsi lazım olan sahələrin müəyyənləşdirilməsinə kömək edir.
Bounce rate veb sayt performansına necə təsir edir?
Bounce rate istifadəçi qarşılıqlı əlaqəsinin bir ölçüsüdür və saytınızdakı məzmunun nə qədər uğurlu olduğunu göstərir. Saytınızın bounce rate göstəricisi aşağıdakı vacib sahələrə təsir edə bilər:
- Axtarış motoru sıralamaları: Axtarış motorları bir səhifənin istifadəçilər üçün nə qədər faydalı olduğunu qiymətləndirərkən bounce rate dəyərinə də baxır. Əgər səhifənizin bounce rate göstəricisi yüksəkdirsə, bu, Google kimi axtarış motorlarına həmin məzmunun istifadəçilərin marağını cəlb etmədiyini göstərə bilər. Nəticədə səhifənizin axtarış nəticələrində (SERP) yüksək mövqe tutma ehtimalı azalır, çünki Google daha aşağı bounce rate olan səhifələri ön plana çıxarır.
- Satışlar: Yüksək bounce rate satışların azalmasına səbəb ola bilər. Çünki ilk dəfə sayta daxil olan ziyarətçilər əgər saytda uzun müddət qalmır və digər səhifələrə baxmırlarsa, məhsul və ya xidmət alma ehtimalları azalır. Maraqlanmayan və tez çıxan istifadəçilər satışa çətinlik yaradır.
- Geri dönüş nisbətləri: Satışlarda olduğu kimi, yüksək bounce rate e-poçt abunəlikləri və qeydiyyat formalarının doldurulması kimi digər geri dönüşlərə də mənfi təsir göstərir. İstifadəçilər saytla əlaqəyə keçmədən çıxdıqda, ümumi konversiya nisbəti də aşağı düşür.
Yuxarı bounce rate-ə nə səbəb olur?
Bounce rate göstəricilərini izləmək istifadəçi qarşılıqlı əlaqəsi və saytın performansı barədə dəyərli məlumatlar verir. Yüksək bounce rate-in əsas səbəblərindən bəziləri bunlardır:
- Texniki səhvlər: 404 səhifə səhvləri kimi texniki problemlər yeni istifadəçilərin saytı tez tərk etməsinə səbəb ola bilər.
- Əlaqəsiz məzmun: Əgər saytınızdakı səhifə istifadəçinin axtardığı məlumatla uyğun gəlmirsə və ya vacib informasiyadan məhrumdursa, ziyarətçi böyük ehtimalla saytı dərhal tərk edəcək.
- Mobil optimizasiya çatışmazlığı: İstifadəçilər çox vaxt veb səhifələri mobil telefonlardan ziyarət edirlər. Əgər sayt mobil cihazlara uyğun hazırlanmayıbsa və istifadəsi çətindirsə, mobil istifadəçilər saytı tərk edəcək.
- Aydın CTA-ların olmaması: Ziyarətçilərin saytda daha çox vaxt keçirməsi üçün onları başqa səhifələrə, məhsullara və ya xidmətlərə yönəldən daxili keçidlər və aydın Call-to-Action (CTA) düymələri olmalıdır. Əgər bunlar yoxdursa, istifadəçilər maraq göstərmədən çıxırlar.
Bounce rate necə azaldıla bilər?
Bounce rate-i azaltmaq üçün saytın ümumi istifadəçi təcrübəsi yaxşılaşdırılmalıdır. Saytın sürətli açılması, məzmunun maraqlı və məqsədyönlü olması vacibdir. İstifadəçilərin saytda rahat gəzinməsi və axtardığını asanlıqla tapması təmin edilməlidir. Ümumilikdə, saytın həm texniki, həm də məzmun baxımından optimallaşdırılması bounce rate göstəricisinin azalmasına kömək edir.
1. Bounce rate analizi aparın
Bounce rate göstəricisinin yalnız ümumi sayt üzrə deyil, hər səhifə səviyyəsində ayrıca təhlil edilməsi vacibdir. Məsələn bloq səhifələrində bounce rate göstəricisi aşağı ola bilər, çünki istifadəçilər həmin səhifəyə məlumat oxumaq məqsədilə daxil olur və ehtiyac duyduqları bilgini əldə etdikdən sonra çıxmaları normal sayılır. Ancaq məhsul səhifələrində vəziyyət fərqlidir. Əgər istifadəçi məhsulla maraqlanmır və heç bir klik etmədən saytdan çıxırsa, bu, bounce rate-in yüksək olmasına səbəb olur və potensial satışın itirilməsi deməkdir. Bu fərqləri başa düşmək üçün səhifə növlərinə görə analiz aparmaq əhəmiyyətlidir. Bounce rate göstəriciləri həftəlik və aylıq olaraq izlənməli, nəticələrə əsasən kontent, dizayn və istifadəçi təcrübəsi sahəsində təkmilləşdirmələr edilməlidir. Bu cür davamlı monitorinq və optimizasiya saytın ümumi performansını artırmağa kömək edir.
2. Səhifə yüklənmə sürətini optimallaşdırın
Rəqabətin olduqca gərgin olduğu e-ticarət sektorunda saytların açılma və səhifə yüklənmə sürətinin aşağı olması ciddi bir mənfi cəhətdir. İstifadəçilərin demək olar ki, yarısı bir veb saytın maksimum 2 saniyə ərzində açılmasını gözləyir. Yəni əgər sayt 2 saniyədən gec açılırsa, istifadəçilər onu dərhal tərk etməyə meyilli olurlar. Səhifələrin yavaş yüklənməsi elektron kommersiya saytı üçün səbət tərk etmə hallarının başlıca səbəblərindən biridir. Yavaş yüklənən saytlarda bounce rate riski çox yüksək olur və istifadəçilər hələ sayta daxil olmamış alternativ bir sayta yönəlirlər. E-ticarət saytlarının müştəri itkisini önləməsi üçün səhifə sürətini artırmaq və yüklənmə problemlərini tez bir zamanda optimizasiya etmək əsas prioritet olmalıdır.
3. Kontentinizin diqqətçəkici olduğundan əmin olun
Məzmunlarınızın istifadəçilərin məqsədinə uyğun olmasına xüsusi diqqət yetirməlisiniz. Məzmun və vizual elementlər uyğun bir quruluşda təqdim edilməli və istifadəçilər tərəfindən asanlıqla oxuna biləcək şəkildə hazırlanmalıdır. Bu zaman səhifədə keçirdikləri müddət artacaq. Səhifənin quruluşu, məzmunu və dizaynı elə tərtib olunmalıdır ki, istifadəçilər minimum sayda addımla axtardıqları məlumatı asanlıqla tapa bilsinlər. İstifadəçiləri məmnun edəcək bir məzmun strukturu aşağıdakı kimi olmalıdır:
- Məzmun səhifələrində uzun paraqraflardan çəkinmək
- Məzmunu vizuallar və infoqrafiklərlə dəstəkləmək
- Mövzu ilə əlaqəli başlıqlardan istifadə etmək
- Tez-tez alt başlıqlara yer vermək
- Məlumatları maddələrlə sadə şəkildə təqdim etmək
4. Meta etiketləri düzgün optimizasiya edin
Saytınızdakı məhsul və məzmunlara əlavə etdiyiniz title və meta description sayəsində istifadəçilər sizi axtarış sistemlərində daha asan tapa bilirlər. Bu başlıqlar cəlbedici olmalı və istifadəçi səhifəyə keçdikdə axtardığı məlumatı tapmalıdır. Əgər meta description səhifənin mövzusu ilə uyğun deyilsə, istifadəçi tez bir zamanda saytı tərk edə bilər və bu da bounce rate-in artmasına səbəb olar. Amma doğru yazılmış başlıq və meta açıqlama istifadəçinin ehtiyacını qarşılayarsa, saytda qalma müddəti artar və bounce rate azalır. Bounce rate-in yüksəlməməsi və SEO baxımından uğurlu nəticə əldə etmək üçün bunlara diqqət edin:
- Açar sözlər səhifənin mövzusu ilə əlaqəli olmalıdır.
- Meta description səhifədə nədən bəhs edildiyini düzgün şəkildə göstərməlidir.
- SEO başlığı mövzunu aydın şəkildə ifadə etməlidir.
- İstifadəçinin məqsədi və gözləntiləri nəzərə alınmalıdır.
5. Diqqətçəkici CTA-lardan istifadə edin
İstehlakçılar bir elektron kommersiya saytında rahat şəkildə vaxt keçirmək və məhsullara baxmaq istəyir. Lakin bəzi saytlar istifadəçiləri tək bir səhifədə çoxlu sayda CTA, yəni hərəkətə keçid çağırışları ilə yükləyərək onların saytı tərk etməsinə səbəb ola bilər. Şirkətlər istifadəçilərə sərbəst və rahat vaxt keçirmə imkanı təqdim etməli, yalnız əsas nöqtələrdə effektiv CTA yerləşdirməlidirlər. CTA əlavə edilərkən istifadəçi davranışları nəzərə alınmalı və onları həqiqətən hərəkətə gətirəcək uyğun və cəlbedici mesajlardan istifadə olunmalıdır.
6. Səhifənizin istifadəçi dostu olmasına diqqət yetirin
Saytın naviqasiyası, yəni menyular və keçidlərin quruluşu istifadəçini məqsədinə ən asan, sürətli və rahat şəkildə aparacaq formada dizayn olunmalıdır. İstifadəçi axtardığı məlumatı qarışıqlıq yaşamadan tapa bilməlidir. Bu baxımdan sadə, funksional və məqsədəuyğun dizayn saytın istifadəsini asanlaşdırır. Sadə bir quruluş istifadəçilərin saytda daha uzun qalmasına və səhifələr arasında rahat gəzinməsinə şərait yaradır. Bu da nəticə etibarilə bounce rate göstəricisinin əhəmiyyətli dərəcədə azalmasına kömək edir.
7. Daxili linklərdən istifadə edin
Daxili linklər istifadəçilərin saytınızda daha uzun müddət qalmasına kömək edən mühüm vasitələrdən biridir. Sayt daxilində bir mövzudan digər əlaqəli səhifəyə keçid vermək istifadəçiyə ehtiyac duyduğu məlumatı asanlıqla tapmaq imkanı yaradır. Bu cür linklər həm istifadəçi təcrübəsini yaxşılaşdırır, həm də səhifələr arasında rahat gəzinti imkanı təqdim edir. Əsas şərt isə, daxili keçidlərin məzmunla əlaqəli səhifələrə yönəldilməsidir. Doğru şəkildə yerləşdirilmiş daxili linklər sayəsində bounce rate azalır, istifadəçilər isə saytınızda daha çox vaxt keçirirlər.
